У пасёлку Руба пад Віцебскам узрывам знеслі старую воданапорную вежу

Цагляны будынак, узведзены ў сярэдзіне мінулага стагоддзя, быў у дрэнным стане і ў любы момант мог абваліцца. Знеслі будынак узрыватэхнікі службы МНС, створанай восем гадоў таму на базе пажарнага аварыйна-выратавальнага атрада "Віцязь". Падрыхтоўчая работа заняла тыдзень. У найбліжэйшы час аналагічным чынам будуць ліквідаваныя небяспечныя будынкі ў Полацку і Оршы.