5 навукоўцаў (самаму малодшаму ўсяго 24 гады) працавалі па 5 навуковых кірунках на месцы будучай Беларускай станцыі. Ужо ў снежні ў Антарктыку будуць адпраўленыя першыя 3 модулі. Падчас экспедыцыі навукоўцы ўзялі шмат спроб і ўзораў. І ўжо сёння машына з набраным матэрыялам прыбудзе ў Мінск.
Аляксей Гайдашоў, кіраўнік Беларускай антарктычнай экспедыцыі: "Нашымі навукоўцамі вызначаныя дэструктары нафтапрадуктаў. Маленькія лакальныя разводдзі, напрыклад, здараецца, запраўляеш тэхніку, бензіну або саляркі невялікая пляма з'яўляецца. На наступны дзень на месцы гэтай плямы разводдзя нафтапрадуктаў - пена бурая. Калі даследавалі мікрабіёлагі, аказваецца, гэта бактэрыі - мясцовыя віды, якія з поспехам пасяліліся на гэтым субстраце і знішчаюць яго, яны ім харчуюцца".
Сяргей Чыжык, першы намеснік старшыні Прэзідыўма НАН Беларусі: "Далей чакае скрупулёзная, працяглая праца па аналізе гэтых матэрыялаў. Гэта інстытут прыродакарыстання, нашы заолагі, нашы аграрыі ў нейкай ступені, фізікі, што датычыцца прыборнага забеспячэння. Усе будуць працаваць. З'явяцца ў выніку навуковыя публікацыі высокага ўзроўню".
І літаральна напярэдадні ад Акадэміі навук паступіла яшчэ адна важная навіна. Прынята рашэнне аб стварэнні Агенцтва па касмічных даследаваннях. Яно будзе выконваць маштабныя працы, у тым ліку каардынаваць зандзіраванне Зямлі.
