"Памятай дзеля будучыні". У Маскве ў гадавіну катастрофы на Чарнобыльскай АЭС сабраліся ўдзельнікі і ліквідатары радыяцыйнай аварыі. Сустрэча праходзіла ў невялікім музеі, які ўжо 10 гадоў збірае архіўныя фатаграфіі і дакументы тых падзей. Супрацоўнікі беларускага пасольства ў Маскве перадалі ў падарунак музею здымкі з апошняй экспедыцыі ў зону адчужэння.
У ліквідацыі наступстваў аварыі ўдзельнічалі больш за 600 тысяч чалавек. Радыяцыйнае воблака разнесла радыеактыўныя матэрыялы па большай частцы Еўропы. Больш за астатніх пацярпелі тэрыторыі Украіны, Беларусі і Расіі.
