У Мінску затрыманы чарговы ўдзельнік масавых беспарадкаў

Усе, хто мае дачыненне да арганізацыі масавых беспарадкаў (9-12 жніўня), будуць усталяваныя. Пра гэта гаварыў у інтэрв'ю міністр унутраных спраў  Юрый Караеў. І сёння МУС паведамляе, што супрацоўнікі ГУБАЗ  затрымалі 18-гадовага мінчаніна. Ён ноччу 10 жніўня ўдзельнічаў у беспарадках на вуліцы Кальварыйскай у Мінску. Гэтаму ёсць дакументальнае пацвярджэнне. Хлопец выйшаў на праезную частку і такім чынам  спрабаваў спыніць рух транспарту, каб блакіраваць праезд міліцэйскіх машын. Ужо зараз  малады чалавек  прызнаецца, што ўдзельнічаць у беспарадках вырашыў, паддаўшыся на заклікі ў сацсетках і тэлеграм-каналах. Як факт, зараз ён праходзіць па крымінальнай справе  за арганізацыю масавых беспарадкаў.