У чатырох раёнах сталіцы - Фрунзенскім, Кастрычніцкім, Цэнтральным і Першамайскім - адкрыты аддзяленні дзённага знаходжання для пажылых людзей. Акрамя таго, у Кастрычніцкім раёне сацыяльныя работнікі разам з ўрачамі аказваюць медпаслугі па прынцыпе "прафілакторыя дома". Асаблівую ўвагу таксама нададуць пажылым людзям з цяжкімі захворваннямі і дзецям-інвалідам.
Жанна Рамановіч, старшыня камітэта па працы, занятасцi i сацабароне Мінгарвыканкама: "Гэта, напрыклад, кароткатэрміновае знаходжанне на 30 дзён. Члены сем'яў вырашылі паехаць у водпуск, у іх ёсць магчымасць пажылога чалавека змясціць у інтэрнат тэрмінам да 30 дзён. Гэта і платнае ўтрыманне да паўгода людзей, якія пакутуюць у тым ліку і ад псіхічных хвароб. Раней гэта было магчымым толькі пасля вынясення рашэння суда аб прызнанні чалавека недзеяздольным. У дзіцячым доме-інтэрнаце мы ўкаранілі і такую новую форму як сацыяльная перадышка. Гэта калі бацькі, якія выхоўваюць дзяцей-інвалідаў, могуць змясціць сваё дзіця на 30 дзён для таго, каб пазаймацца сваімі справамі".
Акрамя таго, разглядаецца і магчымасць стварэння сталічнай службы сядзелак.
