Жывапісец з пакалення шасцідзясятнікаў, якога па праве звалі слупом "суровага рэалізму", памёр на 97-ым году жыцця. Грамадзянская паніхіда прайшла ў Інстытуце гісторыі Нацыянальнай акадэміі навук. Развітацца з майстрам прыйшлі яго калегі і вучні. Ветэрана Вялікай Айчыннай вайны і ардэнаносца правялі з ушанаваннямі - цырымонію развітання суправаджала рота ганаровай варты. Па благаславенні мітрапаліта Мінскага і Заслаўскага Паўла клірыкі Свята-Духава кафедральнага сабора адслужылі богаслужэнне па нябожчыку.
Віктар Грамыка амаль 40 гадоў выкладаў у Акадэміі мастацтваў. Доўгі час узначальваў Саюз мастакоў Беларусі. Пахавалі народнага мастака на Усходніх могілках Мінска.
У Мінску развіталіся з народным мастаком Беларусі Віктарам Грамыкам
11 июля 2019