Сёння напярэдадні дня памяці ахвяраў халакоста ў беларускай сталіцы прайшлі памятныя мерапрыемствы.
На месцы старых яўрэйскіх могілкаў - ля помніка яўрэям - запальвалі свечкі і чыталі малітвы. Ушанаваць памяць вязняў Мінскага гета і ўсіх ахвяраў гітлераўскага генацыду супраць яўрэяў у гады Другой сусветнай вайны сабраліся прадстаўнікі грамадскіх арганізацый, дыпламатычных місій, Арганізацыі Аб'яднаных Нацый, а таксама дзеячы культуры. Адзначым, усе мерапрыемствы сёлета праходзяць пад агульным дэвізам: "У памяць аб халакосце: асвета ў імя лепшай будучыні".
Заўтра цэнтрам памятных мерапрыемстваў стане пляцоўка Музея гісторыі Вялікай Айчыннай вайны.
