У Мінску пешаход пералез цераз агароджу і трапіў пад аўтобус

У Мінску пешаход пералез цераз агароджу і трапіў пад аўтобус. Пра такі выпадак расказалі ў УДАІ ГУУС Мінгарвыканкама.

Паводле папярэдняй інфармацыі, сёння ў 5:20 раніцы 57-гадовы вадзіцель аўтобуса МАЗ у раёне нулявога кіламетра ўнутранага кальца МКАД здзейсніў наезд на 25-гадовага мужчыну, які перасякаў МКАД у неналежным месцы.

З траўмамі пешаход дастаўлены ва ўстанову аховы здароўя. На месцы здарэння працавалі супрацоўнікі аддзела ДАІ Першамайскага РУУС Мінска, следча-аператыўная група ДАІ ГУУС Мінгарвыканкама, брыгада хуткай медыцынскай дапамогі.

У Дзяржаўтаінспекцыі чарговы раз нагадалі, што пешаходам неабходна пераходзіць праезную частку ў адпаведным для гэтага месцы, папярэдне пераканацца, што транспартны сродак спыніўся і саступае дарогу.