У Дзень памяці ахвяр Другой сусветнай вайны высокага звання ўдастоіліся адразу 5 беларусаў. Гэта людзі, якія ўкрывалі або дапамагалі выжыць яўрэям у гады акупацыі. Праведнікамі іх прызналі пасмяротна. Дыпломы і медалі найбліжэйшым сваякам перадалі прадстаўнікі Ізраільскага культурнага цэнтра ў нашай краіне. Імёны праведнікаў-беларусаў ужо запісаны на тэрыторыі мемарыяла Катастрофы і гераізму ў Іерусаліме.
Усяго ў Беларусі праведнікамі народаў свету прызнаныя больш за 700 чалавек.