Стацыянарны медыцынскі пункт пачаў функцыянаваць у транспартна-лагістычным цэнтры. Раней тут дзяжурылі экіпажы хуткай дапамогі. З улікам надвор'я і частых зваротаў да ўрачоў было вырашана адкрыць кабінеты прыёму на месцы. Тут можна памераць ціск, тэмпературу, праверыць лёгкія, а таксама атрымаць лекі. Паводле звестак Міністэрства аховы здароўя Беларусі, да медыкаў штодня звяртаюцца сотні бежанцаў. У асобных выпадках людзей адвозяць у стацыянар.
Вывазны рэйс іракскай авіякампаніі з Мінска ў Эрбіль ізноў адменены
Тым часам бежанцы, якіх размясцілі ў найбліжэйшых санаторыях, ужо пакінулі Беларусь. "Іракскія авіялініі" вывезлі на радзіму больш за 1 900 чалавек. На 29 і 30 лістапада былі запланаваны новыя вывазныя рэйсы, але абодва яны адменены. Як растлумачылі ў іракскай авіякампаніі, рэйс у Эрбіль адкладзены да чацвярга, каб набраць на яго як мага больш пасажыраў.
