Паказалі выдатныя вынікі па ўсіх прадметах баявой падрыхтоўкі, а таксама высокі ўзровень ратнага майстэрства, вывучкі і навыкаў. Міністр абароны Віктар Хрэнін узнагародзіў вайскоўцаў 38-й асобнай дэсантна-штурмавой брыгады па выніках інспектарскай праверкі. На працягу двух тыдняў злучэнне здавала сур'ёзны іспыт. Шэрагу афіцэраў датэрмінова прысвоены чарговыя воінскія званні за высокі прафесіяналізм.
Дэсантнікі большую частку сваёй службы праводзяць на палігонах, удзельнічаючы ў розных вучэннях, у тым ліку прадстаўляючы нашу краіну за мяжой. Дарэчы, у найбліжэйшых перспектывах блакітных берэтаў падрыхтоўка і правядзенне конкурсаў у рамках Армейскіх міжнародных гульняў і галоўны ратны экзамен года - вучэнне "Захад-2021".
