Да завяршэння экспертыз спецыялісты не могуць дакладна ідэнтыфікаваць пахаванне, Але, як мяркуецца, гэта астанкі байцоў Чырвонай арміі, якія змагаліся пры абароне Гродна. Пры дэталёвым аглядзе эксперты-крыміналісты дасталі з зямлі процівагазы, асабістыя рэчы, а таксама боепрыпасы і часткі зброі. Знойдзены і асабісты медальён салдата.
У найбліжэйшы час на месца прыбудуць спецыялісты пошукавага батальёна Мінабароны. Мяркуецца, што ў зямлі могуць знаходзіцца астанкі стралковага аддзялення з 5-6 чалавек.
