Беларусь працягвае наладжваць новыя маршруты і пашыраць свае палётныя праграмы. Мінск і Нью-Дэлі з сённяшняга дня звязаў прамы авіярэйс. Пакуль вылеты запланаваны адзін раз на тыдзень - у пятніцу (назад у суботу). А ўжо з 20 верасня ў раскладзе з'явіцца другі рэйс. Па словах гендырэктара кампаніі "Белавія", новы прамы маршрут будзе спрыяць умацаванню адносін паміж дзвюма краінамі, а таксама дапаможа росту транзітных перавозак праз Нацыянальны аэрапорт Мінск.
Ужо 3 кастрычніка першы рэгулярны рэйс з Мінска запланаваны ў Абу-Дабі. Ідуць перамовы па адкрыцці маршрутаў у Венесуэлу, Аман, Кенію. Актыўна прапрацоўваецца расійскі напрамак. Беларускія самалёты сёння прызямляюцца ў 21 аэрапорт свету.