Ваеннай падрыхтоўцы ў нашай краіне надаюць асаблівую ўвагу. Яшчэ ў адной навучальнай установе зараз функцыянуе ваенная кафедра. Праз 18 гадоў у сценах Беларускага дзяржаўнага тэхналагічнага ўніверсітэта адбылася цырымонія перадачы штандара. З гэтага года, акрамя цывільнай прафесіі, студэнты змогуць праходзіць навучанне па ваенных спецыяльнасцях: баявое выкарыстанне мотастралковых падраздзяленняў, а таксама арганізацыя агульнавайсковага тылавога забеспячэння. Пасля выпуску з універсітэта навучэнцы атрымаюць першае воінскае званне "лейтэнант запасу".
У перыяд навучання студэнты будуць атрымліваць навыкі ў навучальных аўдыторыях універсітэта, а таксама ў боксах з ваеннай тэхнікай Мінскага гарнізона. Завершыцца навучанне выніковай практыкай з выездам на месяц у воінскую часць.