Хто стане хатнім вяшчальнікам другіх Еўрапейскіх гульняў у Мінску? Сёння гэтае пытанне абмяркоўвалі ў галоўным медыяхолдынгу краіны. Пакуль адказу няма. Аб'яўлены міжнародны тэндарны конкурс - свае заяўкі ўжо даслалі некалькі кампаній з сусветным імем. Сярод іх - вяшчальнікі першых Еўрапейскіх гульняў у Баку, прадакшн-кампаніі некалькіх Алімпіяд. Топ-менеджары Белтэлерадыёкампаніі, кіраўніцтва дырэкцыі другіх Еўрагульняў разглядаюць заяўкі і іх тэхнічныя прапановы.
Генадзь Давыдзька, Старшыня Белтэлерадыёкампаніі: "Вялікая адказнасць, вялікі гонар - прымаць другія Еўрапейскія гульні. Белтэлерадыёкампанія, безумоўна, будзе ў гэтым удзельнічаць. Да гэтага часу мы павінны сур'ёзна абнавіць нашу тэхніку. Мы будзем мець якасна новае спартыўнае вяшчанне і падыход - і ў тэхнічным сэнсе, і ў творчым сэнсе".
Георгій Катулін, кіраўнік дырэкцыі другіх Еўрапейскіх гульняў - 2019: "Ад таго, як будуць прадстаўленыя Гульні ў медыйнай прасторы, на ТБ, залежыць поспех Гульняў як камерцыйна, так і палітычна".
У праграму другіх Еўрагульняў будуць уключаныя самыя масавыя і папулярныя віды спорту. Іх 15: веславанне, гімнастыка, баскетбол 3х3, веласіпедны спорт, розныя віды адзінаборстваў і стральбы. Некалькі відаў стануць кваліфікацыйнымі да Алімпіяды-2020 у Токіа. На Гульнях у Азербайджане ў медальным заліку Беларусь заняла сёмае месца і заваявала 43 узнагароды.
