У Белавежскую пушчу вярнулася Снягурка.
Традыцыйна менавіта з прыезду ўнучкі Дзеда Мароза ў маёнтку пачынаецца самы чаканы - навагодні - сезон. Снягурка дабіралася з Паўднёвага полюсу на чароўным цягніку разам з Матухнай Зімой і іншымі казачнымі героямі. Дома яны не былі 9 месяцаў. Па традыцыі ў дзень сустрэчы для гасцей маёнтка арганізавалі сапраўдную бяседу са смачнымі пачастункамі, песнямі, конкурсамі і карагодамі. Дарэчы, сёлета Дзед Мароз і Снягурка ўпершыню сустракаюць наведвальнікаў каля галоўнай ёлкі. Экскурсіі ў маёнтку будуць праходзіць штодня з раніцы да вечара.
Сёлета маёнтак беларускага Дзеда Мароза адзначае 20-годдзе. Арганізатары абяцаюць цікавую праграму, будуць і сюрпрызы. Галоўныя ўрачыстасці пройдуць з размахам з 23 па 25 снежня.