Развіццё патэнцыялу і талентаў для ўсіх: у Белаазёрску з'явіўся філіял тэрытарыяльнага цэнтра сацыяльнага абслугоўвання насельніцтва. Людзі з асаблівасцямі змогуць навучыцца гатаваць, маляваць, займацца лепкай і іншымі відамі дэкаратыўна-прыкладнога мастацтва. Для іх арганізуюць школу бяспекі, літаратурныя чытанні і ўрокі адаптацыі ў грамадстве. А яшчэ экскурсіі. Каб паездкі былі камфортнымі, філіялу падарылі сацыяльнае таксі: спецыяльны мікрааўтобус з пад'ёмнікам. Такая пляцоўка ў Белаазёрску з'явілася ўпершыню.
Праект рэалізавалі па дзяржпраграмах "Сацыяльная абарона" і "Даступнае асяроддзе". У планах адкрыць у філіяле аддзяленне дапамогі дома.
