Калядная куцця, якую адзначаюць сёння хрысціяне, для беларускіх вернікаў выдалася па-сапраўднаму асаблівай. У гэтыя дні ўпершыню на нашай зямлі Дары вяшчуноў. Напярэдадні яны прыбылі з Расіі, і ўжо ў аэрапорце святыню сустракалі, каб прыкласціся да яе. Далей Дом міласэрнасці, у які на час змешчаная рэліквія. Яшчэ да таго, як туды прывезлі Дары, сабралася чарга. Ахвотнікаў пакланіцца біблейскім сімвалам вельмі шмат. Людзі працягваюць ісці да святыні і гэтымі хвілінамі.
Пра тое, што сёння адбывалася ля храма ў гонар Іова Шматпакутнага, раскажа Юлія Чаргінец. У першы ж вечар, калі рэліквію ўнеслі ў Зімовы сад Дома міласэрнасці, ля ўваходу сабраліся каля дзесяці тысяч вернікаў. Шматлікія чакалі святыню з самай раніцы. Каб усе прыйшоўшыя змаглі прыкласціся да Дароў вяшчуноў, замест прызначаных 10 вечару доступ да іх закрылі толькі пасля паўночы.
Раніцай тая ж карціна - канца чаргі не відаць. Пускаць у храм пачалі ледзь раней за 8. Прыходзяць з дзецьмі, усёй сям'ёй.
Ля Дароў пастаянна дзяжураць манахі з афонскага манастыра святога Паўла. Усяго іх шасцёра, перавозяць святыню на чале з архімандрытам Парфенам, які прыляціць да нас заўтра з Пецярбурга, дзе знаходзіліся Дары перад Мінскам. Нягледзячы на шаноўны ўзрост, браты не захацелі расставацца з дарамі і на цэлы месяц адправіліся ў падарожжа.
У місіі прылучэння людзей да Дароў манахам дапамагаюць 80 мінскіх святароў. Суправаджаюць святыні прадстаўнікі фонду Свяціцеля Васіля Вялікага, якія і арганізавалі ўпершыню ў гісторыі вынясенне Дароў за межы Грэцыі ў гарады Расіі, Беларусі, Украіны.
Золата, ладан, смірна - такімі былі падарункі вяшчуноў нованароджанаму Хрысту. Іх Божая Маці захоўвала ўсё сваё зямное жыццё, пасля перадала дзвюм жанчынам, у 15-м стагоддзі яны апынуліся ў афонскім манастыры. Рэліквіі захаваліся ў выглядзе 28 залатых упрыгажэнняў, ладан і смірну (ужо ў часы перанясення ў манастыр) змяшалі ў чорныя шарыкі і падвесілі на срэбныя ніткі.
63 чалавекі за хвіліну - такая колькасць вернікаў паспявае дакрануцца да Дароў вяшчуноў у Доме міласэрнасці, дзверы храма застаюцца адчыненымі нават у дзве гадзіны ночы, а чэргі вернікаў збіраюцца да чатырох раніцы.
Каля Дома міласэрнасці адаграваюць прыйшоўшых гарбатай, булачкамі, днём і ўначы стаяць палаткі і аўтобусы, дзе можна выратавацца ад холаду.
Сімвалічна, што глыбокая пашана Дарам вяшчуноў у Мінску супала яшчэ з адной найвялікшай хрысціянскай падзеяй - Вадохрышчам. Свята пачынаецца ўжо сёння з Каляднай куцці - падрыхтоўкі да асноўнай урачыстасці. З вечара ў храмах асвячаецца вада - лепшыя лекі ад хвароб і душэўных пакут. Сёлета свята сустракаюць арыгінальна - чысцячыся духоўна дзякуючы Дарам вяшчуноў.
