У Беларусі няма неабходнасці закрываць школы або пераводзіць дзяцей на аддаленае навучанне з-за кавіднай пандэміі. Гэта паведаміў міністр адукацыі. Па словах Ігара Карпенкі, зараз сумесна з Міністэрствам аховы здароўя адпрацоўваюцца часовыя рэкамендацыі, якія зацвердзілі на верасень-кастрычнік. Дадатковыя карэкцівы будуць уносіцца па неабходнасці.
Больш за 50 % настаўнікаў вакцынаваліся
Ужо больш за 50 працэнтаў беларускіх настаўнікаў прышчапіліся ад каранавіруса. Па словах Ігара Карпенка, нікога прымушаць вакцынавацца не будуць, пры гэтым настойліва рэкамендуюць засцерагчы сябе і школьнікаў. Сам міністр адукацыі антыкавідны ўкол зрабіў яшчэ ў красавіку, але не выключае, што ў найбліжэйшы час рэвакцынуецца.
