У РНПЦ дзіцячай хірургіі ў нованароджанай дзяўчынкі паспяхова правялі карэкцыю стэнозу трахеі, якая сфарміравалася дыяметрам усяго міліметр. Гэта перашкаджала паўнавартаснаму дыханню дзіцяці. Такі парок несумяшчальны з жыццём. Да таго ж дзяўчынка нарадзілася з пнеўманіяй. На момант аперацыі ёй было 14 дзён, а важыла ўсяго 1950 грамаў. Хірургічнае ўмяшанне такой складанасці праведзена ўпершыню. Урачы зрабілі практычна немагчымае: паводле звестак замежнай літаратуры, маса цела пацыентаў, якім рабілася такая аперацыя, складала не меней чым два з паловай кілаграмы. Карэкцыя доўжылася 6 гадзін, працавала брыгада з дзесяці чалавек.
Пасляаперацыйны перыяд працякае добра, дзяўчынка зараз дыхае самастойна, набірае вагу, рыхтуецца да пераводу на наступны этап выходжвання ў РНПЦ "Маці і дзіця".
