У Наварасійск прыбылі ўсе ўдзельнікі расійска-беларуска-сербскіх тактычных вучэнняў "Славянскае братэрства". Больш як 40 адзінак ваеннай тэхнікі для Віцебскай паветрана-дэсантнай брыгады дастаўлена воінскім эшалонам. А напярэдадні кантынгент з нашай краіны прызямліўся на аэрадроме Крымска. Здзейсніўшы марш са станцыі разгрузкі, беларуская тэхніка прыбыла ў палявы парк на палігон Раеўскі.
У найбліжэйшыя дні вайскоўцы Беларусі, Сербіі і Расіі правядуць зладжванне падраздзяленняў для наступнай адпрацоўкі сумесных дзеянняў у складзе шматнацыянальнай тактычнай групы.
