Свежыя і смачныя навінкі беларускіх вытворцаў на маштабнай пляцоўцы ля Палаца спорту. 23 верасня афіцыйна адкрыўся "Мінскі кірмаш" - самы разнастайны і доўгачаканы кірмаш гэтага сезона. Усе выхадныя тут будуць працаваць гандлёвыя рады. Сваю прадукцыю прапануюць 45 вытворцаў з усіх куткоў нашай краіны. Мяса, малочка, рыба, агародніна і садавіна, а таксама бакалея, кандытарскія вырабы, саленні і мёд.
Гандлёвыя рады ля Палаца спорту адкрыюцца таксама 14-15 кастрычніка і 4-5 лістапада. А восеньскія кірмашы ва ўсіх раёнах Мінска будуць працаваць аж да 26 лістапада. Па традыцыі будзе сустракаць пакупнікоў і цэнтральная пляцоўка каля "Чыжоўка-Арэны".
