Пра новыя адукацыйныя праграмы паміж дзвюма краінамі расказала Надзвычайны і Паўнамоцны Пасол Турцыі ў Беларусі на пасяджэнні клуба "Юны дыпламат" у сталічным Доме дружбы. Удзельнікамі сустрэчы сталі школьнікі з Мядзеля і Нарачы. Зносіны адбываліся на англійскай мове. Пасол адзначыла, што ў Турцыі высока ацэньваюць сістэму падрыхтоўкі спецыялістаў у беларускіх ВНУ.
Кезбан Нілвана Дарама, Надзвычайны і Паўнамоцны Пасол Турцыі ў Беларусі: "Прыемна расказваць пра сваю краіну і бачыць цікавасць у юнакоў і дзяўчат. У Беларусі вялізны патэнцыял, у тым ліку дзякуючы выдатным адукаваным людзям. Ад гэтага шмат у чым залежыць і развіццё дзяржавы. Нашы краіны наладжваюць добрыя адносіны, а новыя адукацыйныя і культурныя праграмы толькі спрыяюць гэтаму".
Вольга Тарговіч, навучэнка нарачанскай СШ № 1: "Трапіць у сталіцу Беларусі - гэта вялікая ўдача, тым больш для людзей, якія жывуць у маленькіх гарадах. Гэта выдатна, тым больш пагутарыць з паслом Турцыі на англійскай мове".
Удзел школьнікаў з глыбінкі ў пасяджэнні клуба "Юны дыпламат" - адно з мерапрыемстваў, прымеркаваных да Года малой радзімы. Такія сустрэчы на базе мінскага Дома дружбы праводзяцца ўжо 5 гадоў.
