Пад заслону адыходзячага года прынята падводзіць вынікі, у тым ліку ў сферы вытворчасці і спажывання. Тэлеканал "Беларусь 5" перамог у адной з намінацый конкурсу "Прадукт года". Прэстыжная прэмія ўручаецца ўжо на працягу 17 гадоў, а сярод намінантаў - больш за 100 вядучых кампаній, якія працуюць у Беларусі. Як адзначылі арганізатары, рашэнне было прынята на падставе апытання спецыялістаў, звязаных з тэлевытворчасцю.
Наступны год, які з'яўляецца алімпійскім, для "Беларусь 5", як і для любога іншага спартыўнага тэлеканала, будзе вызначальным. Галоўныя Гульні чатырохгоддзя, паводле слоў кіраўніцтва, будуць асветлены ў максімальным аб'ёме з месца падзей.
