Пад такім дэвізам праходзіць у краіне месячнік Чырвонага Крыжа. Сёння сем’і, дзе ёсць дзеці з асаблівасцямі развіцця, сабраліся на дзіцячай чыгунцы, дзе пазнаёміліся з работай Чырвонага Крыжа і даведаліся пра дапамогу валанцёраў. Хлопчыкі і дзяўчынкі разам з бацькамі праехалі па экскурсійным маршруце дзіцячай чыгункі, дзе іх забаўлялі аніматары.
Анастасія Арсеньева, галоўны спецыяліст дарожнай арганізацыі Беларускага таварыства Чырвоны Крыж: Асноўная мэта – сацыялізацыя дзяцей з абмежаванымі магчымасцямі, каб яны маглі мець зносіны з рознымі дзецьмі, каб яны маглі ўдзельнічаць у тых мерапрыемствах, у якіх удзельнічаюць звычайныя дзеці.
Армен Каграманян, удзельнік акцыі: Такія акцыі, па-першае, дазваляюць быць больш адкрытымі. Па-другое, калі людзі бачаць свята для дзяцей, то дабрыня ўнутры пачынае перадавацца.
Такія акцыі ў Чырвоным Крыжы называюць добрай традыцыяй. Трэці год запар на дзіцячай чыгунцы адбываюцца такія экскурсіі.