Лета - з карысцю і з дастаткам! Амаль тры тысячы маладых людзей у Мінску працаўладкаваны ў студэнцкія атрады. Сервіcныя, педагагічныя, сельскагаспадарчыя і будаўнічыя - спектр работы шырокі. Назапасіць вопыт і знайсці новых сяброў у беларускую сталіцу прыехалі таксама студэнты з Расіі і Украіны. І цяпер зводны міжнародны будаўнічы атрад працуе на ўзвядзенні цэнтра мастацкай гімнастыкі.
Рэпартаж Аляксандр Хараўца. Нават на будаўнічай пляцоўцы гэтыя студэнты з Санкт-Пецярбурга вядуць свой відэаблог. Хлопцы прызнаюцца: за іх працай сочаць сотні аднакурснікаў, якія вырашылі правесці канікулы, не выязджаючы з Паўночнай Пальміры. Тым больш – аб'ект цікавы і даволі сур'ёзны стадыён, на якім пройдзе адкрыццё ІІ Еўрапейскіх гульняў.
Па студэнцкую рамантыку будаўнічых атрадаў толькі з Пецярбурга прыехалі 22 чалавекі. У іх ліку і 4 дзяўчыны, якія працаўладкаваліся паштальёнамі. Юнакі, студэнты з Беларусі, Расіі і Украіны, дапамагаюць узводзіць і цэнтр мастацкай гімнастыкі. Для Дзяніса Чубаха гэта ўжо трэцяе працоўнае лета. На пытанні сяброў, дзе будзеш адпачываць, смяяўся – адпраўлюся на поўнач - у Беларусь.
Дарэчы, многія студэнты прыехалі ў нашу краіну не першы раз. І калі летась яны былі толькі падсобнымі рабочымі, то сёння ім давяраюць больш сур'ёзную справу – напрыклад, класці цагляную сцяну. Безумоўна, пад наглядам вопытных спецыялістаў.
Працуюць студэнты ў сервісных і педагагічных атрадах. Сёння толькі ў сталіцы часовы заробак знайшлі прыкладна тры тысячы маладых людзей. Яшчэ 7 тысяч плануюць працаўладкаваць у найбліжэйшыя тыдні.
Час па-за працай у студэнтаў – не менш насычаны. Экскурсіі, спартыўныя спаборніцтвы і маладзёжныя дыскатэкі.
Працаваць на будаўнічых аб'ектах сталіцы студэнцкія атрады будуць да сярэдзіны жніўня. Пасля чаго раз'едуцца па дамах і пачнуць падрыхтоўку да новага вучэбнага года. Аднак ужо сёння маладыя людзі дамовіліся: напрыканцы чэрвеня 2018-га месца сустрэчы тое ж – вакзал "Мінск-Пасажырскі".