Спецпадраздзяленню "Альфа" КДБ Беларусі 30 гадоў

Процідзеянне тэрарызму, наркагандлю, абароту зброі і барацьба з арганізаванай злачыннасцю. Контртэрарыстычнае падраздзяленне "Альфа" або група "А" КДБ Беларусі сёння святкуе 30-годдзе. 

Свой пачатак атрад бярэ з 3 сакавіка 1990 года. Па распараджэнні кіраўніцтва КДБ СССР была створаная група № 11 са штатам у Мінску. Новае падраздзяленне прызначалася для лакалізацыі і спынення тэрарыстычных і экстрэмісцкіх акцый, іншых асабліва небяспечных праяў на тэрыторыі Беларускай ССР і прыбалтыйскіх рэспублік. Праз 2 гады спецпадраздзяленне ўвайшло ў структуру КДБ Беларусі і атрымала афіцыйную назву  група "А" або "Альфа". Сярод асноўных задач падраздзялення - затрыманне асоб, падазроных ва ўчыненні такіх злачынстваў, як шпіянаж, захоп заложнікаў, наркагандаль, кантрабанда, незаконны абарот зброі, вымагальніцтва. Сваю падрыхтоўку байцы "Альфа" пацвярджаюць перамогамі на розных рэспубліканскіх і міжнародных спаборніцтвах і па праве лічацца аднымі з наймацнейшых падраздзяленняў на постсавецкай прасторы.