У Нацыянальнай бібліятэцы Беларусі сёння абмеркавалі праблему кнігачытання. Ініцыятыва "Сучасныя беларусы - чытаючая нацыя" сабрала прадстаўнікоў Саюза пісьменнікаў Беларусі і Міністэрства інфармацыі, супрацоўнікаў кнігавыдавецтваў і спецыялістаў Нацыянальнай акадэміі навук. Інстытут сацыялогіі правёў апытанне сярод 900 рэспандэнтаў. Вынікі аналітыкаў аптымістычныя: 70 % апытаных паведамілі аб рэгулярнай цікавасці да кнігі і толькі 15 прызналіся, што ўвогуле не чытаюць. Сацыёлагі даведаліся і пра жанравыя перавагі.
Удзельнікі сустрэчы паведамілі, што распрацоўваецца цыкл мерапрыемстваў, прысвечаных адраджэнню кнігачытання ў Беларусі. Яны ўвойдуць у праграму з'езда Саюза пісьменнікаў Беларусі і міжнароднага кніжнага кірмашу.