Адзін з лепшых - у сталіцы і краіне. Савецкі раён сталіцы, які трапіў на Рэспубліканскую дошку Гонару, сёння прымаў узнагароды і ад мэра Мінска. Добрыя вынікі ў сацыяльна-эканамічным развіцці раён дэманструе ўжо трэці сезон. Так, арганізацыямі прыцягнута звыш 70 мільёнаў долараў прамых замежных інвестыцый. Выкананы паказчыкі па экспарце тавараў, у тым ліку ў краіны ЕС, і паслуг у Кітай. Прадпрыемствы пастаўляюць прадукцыю ў 84 краіны свету. За год створана амаль 2 з паловай тысячы новых працоўных месцаў.
Прамысловы комплекс Савецкага раёна складаюць 15 прадпрыемстваў. Прадукцыя многіх з іх вядома далёка за межамі краіны. Прыярытэтны напрамак - мадэрнізацыя вытворчасцей. Гэта дапаможа выпускаць канкурэнтную прадукцыю і нарошчваць экспарт.
