Калі пра цяжкасці гаварыць, цябе абавязкова пачуюць. У гэтым ізноў упэўніліся тыя, хто не бяздзейнічае, сутыкаючыся з бытавымі праблемамі, і актыўна спрабуе іх вырашыць. Дык вось, сёння па традыцыі людзі, якім патрэбна дапамога, звярнуліся на прамыя тэлефонныя лініі да кіраўнікоў гарадоў, раёнаў і абласцей. І вынік ёсць. Праблемы людзей вырашаюць.
Расказвае Антаніна Станкевіч. Штораз, ідучы гэтай дарожкай, Іван Бельскі мімаволі ўспамінае байку са школьнай праграмы пра Лебедзя, Рака і Шчупака. Толькі ў Крылова галоўныя героі цягнулі воз у розныя бакі, а тут наадварот: тры дарожкі ніяк не сыдуцца ў адну. Невялікі ўчастак не могуць добраўпарадкаваць ужо амаль два гады.
Маштабы разбурэнняў павялічваюцца ці не штотыдзень. Сваё ўкладанне ўносяць і дзеці. Маленькія жыхары Каменнай Горкі не без цікавасці разбіраюць і без таго разбураную дарожку па цаглінцы і ператвараюць гэта ў займальную гульню.
Зрэшты, дарослыя на іх за гэта не крыўдуюць. Тым больш, што калі б работы па добраўпарадкаванні былі завершаныя своечасова і як мае быць, наўрад ці дзецям атрымалася разабраць брук.
Жыхарам ускраіны Магілёва давялося памяняць прафесію і прызначэнне і ператварыцца ў пажарнікаў-аматараў. Галінкі і пні, якія засталіся пасля лясных работ, а яшчэ буралом пасля ўрагану сталі для іх сапраўднай бядотай. Гутарка не толькі пра безгаспадарчасць - цяжкасцяў дадае і высокі клас пажарнай небяспекі, які захоўваецца ў краіне. Мясцовым, ды і дактарам бальніцы побач ужо не раз прыходзілася тушыць узгаранні. Дзяжураць з вёдрамі, поўнымі вады, бадай, суткі напралёт.
Жыхары Рэчыцкага раёна сёння таксама зрабілі званок у райвыканкам - выключна каб падзякаваць мясцовым уладам. Усяго два дні спатрэбілася дарожным службам, каб ператварыць пабітую вуліцу ў мясцовы Арбат. Вадзіцелі і пешаходы не нарадуюцца.
На наступным тыдні прадстаўнікі мясцовай улады таксама чакаюць званкоў ад неабыякавых беларусаў. Час той жа - з 9 да 12 дня.
