Здароўю дзяцей у аздараўленчым цэнтры "Лясная паляна", дзе напярэдадні былі зарэгістраваны выпадкі заражэння COVID-19, нічога не пагражае. Гэта сёння заявіў журналістам міністр аховы здароўя Беларусі Дзмітрый Піневіч. Наконт сітуацыі ў лагеры было даложана Прэзідэнту. Усе дзеці знаходзяцца пад назіраннем медыкаў, у тым ліку і кантакты першага ўзроўню. У большасці захворванне працякае бессімптомна.
Прэзідэнт даручыў вывучыць уплыў віруса на дзяцей
Прэзідэнт таксама даручыў падрабязна вывучыць сітуацыю і адсачыць, як вірус уплывае на дзяцей. Гэты вопыт і веды дазволяць мінімізаваць распаўсюджванне віруса ў аздараўленчых цэнтрах і навучальных установах.
Спецыялісты Міністэрства аховы здароўя трымаюць сітуацыю на кантролі. Ужо праведзены маніторынг усіх сезонных і круглагадзічных аздараўленчых лагераў. Сітуацыя ўсюды спакойная. Толькі ў адным - у Чавускім раёне - выяўлены спарадычныя выпадкі, якія не запатрабавалі асаблівых мерапрыемстваў.
