Тэмпы прыросту захворвання паступова зніжаюцца. За суткі ў Беларусі зарэгістраваны 1 890 чалавек з COVID-19, выпісаны 1 561.
Самая вялікая нагрузка на сістэму аховы здароўя аказваецца за кошт сярэднецяжкіх і цяжкіх пацыентаў. Тым не менш, эпідэмічны вектар зрушваецца. Гэта сёння пацвердзілі ў Міністэрстве аховы здароўя. За апошнія 7-9 дзён колькасць шпіталізаваных пацыентаў паменшылася ад 2 % да 10 %. Што датычыцца выхаду з чырвоных зон, то зараз гэта тыя медустановы, якія аказваюць высокатэхналагічную спецыялізаваную дапамогу. Планава пачалі працаваць анкалагічныя дыспансеры ў Брэсце і Магілёве, у найбліжэйшай будучыні - Мінскі. Па-ранейшаму працягваюць аказваць планавую дапамогу ўсе РНПЦ.
COVID-вакцынацыя ў Беларусі
Паніжэнне росту захворвання адбываецца шмат у чым дзякуючы вакцынацыі. Паводле звестак Міністэрства аховы здароўя, каля 2 мільёнаў 900 тысяч беларусаў атрымалі першую дозу антыкавіднага прэпарата, з іх больш за 2 мільёны 214 тысяч прайшлі поўны курс вакцынацыі. Акрамя паліклінік і бальніц, атрымаць кампанент можна ў гандлёвых цэнтрах і на некаторых станцыях метрапалітэна. Працэдура даступная і бясплатная. З сабою патрэбен толькі пашпарт.