Сенатары перадалі сродкі індывідуальнай абароны РНПЦ дзіцячай анкалогіі

Савет Рэспублікі перадаў сродкі індывідуальнай абароны медперсаналу РНПЦ дзіцячай анкалогіі, гематалогі і імуналогіі ў Бараўлянах. Адзначым, верхнюю палату парламента і РНПЦ звязваюць партнёрскія адносіны. У пачатку гэтага года сенатары наведалі дзіцячы анкалагічны цэнтр і выступілі з ініцыятывай аб стварэнні апякунскага савета.

Віктар Лісковіч, старшыня Пастаяннай камісіі Савета Рэспублікі Нацыянальнага сходу Беларусі: "Па ініцыятыве нашага старшыні Савета Рэспублікі Наталлі Іванаўны Качанавай мы вядзем шэфства над гэтай медыцынскай арганізацыяй. Ствараецца апякунскі савет. Сенатары будуць уваходзіць у склад савета, і такім чынам мы, сабраўшы свае асабістыя зберажэнні пэўныя, купілі маскі для таго, каб медыцынскія работнікі адчувалі сябе ў бяспецы". 

У РНПЦ дзіцячай анкалогіі выконваюцца ўсе меры прафілактыкі каранавіруснай інфекцыі. Абмежавана наведванне хворых, уведзены кантроль тэмпературы, масачны рэжым. Для амбулаторных пацыентаў адчынены асобны ўваход.