Перавага маладых журналістаў у тым, што яны гавораць на адной мове з юнай аўдыторыяй. Гэта адзначыў сёння Старшыня Белтэлерадыёкампаніі Генадзь Давыдзька на IV форуме маладых журналістаў у Мінску. Сёння, у другі дзень работы канферэнцыі, запланаваныя майстар-класы ад мэтраў беларускай журналістыкі. Таксама сёння ўзнагародзілі лепшых у намінацыі "Дэбют" за рэпартажы, нарысы, фатаграфіі, якія былі ў друку або ў эфіры сёлета. У канферэнц-зале Нацыянальнага алімпійскага камітэта будуць гаварыць пра адказнасць журналіста і пра яго ролю ў асвятленні галоўнай палітычнай падзеі года ў Беларусі.
Генадзь Давыдзька, Старшыня Белтэлерадыёкампаніі: "Значэнне маладога журналіста, які знаходзіцца ў асяроддзі свайго пакалення, ведае яго патрабаванні, перавагі, не церпіць менторскага тону, павучальнасці, і самая галоўная валюта, якую мае малады журналіст, - гэта тое, што ён гаворыць на адной мове".
Таццяна Петушко, карэспандэнт газеты "Браславская звезда": "Мы наведалі ўчора майстар-клас Белтэлерадыёкампаніі, дзе нам расказалі, як працуюць тэлерадыёСМІ, падзяліліся напрацоўкамі, якія будуць карысныя і нам".
Завершыцца форум дэбатамі "Выбірай.by" ад самага маладзёжнага грамадскага аб'яднання краіны.
Вынікі вялікага форуму і імёны лепшых маладых журналістаў ужо сёння вечарам у праграме "Панарама".
