Змяненні ў Канстытуцыі - гэта не проста папраўкі ў артыкулы, а мадэрнізацыя ўсёй палітычнай сістэмы.
Таму важна распрацаваць механізм, які дасць магчымасць зрабіць нашу палітычную сістэму больш гнуткай і адаптыўнай. Такім меркаваннем падзяліўся старшыня Пастаяннай камісіі па міжнародных справах Палаты прадстаўнікоў Андрэй Савіных падчас дыялогавай пляцоўкі ў Магілёве. Удзельнікі сустрэчы змаглі задаць пытанні ў сферы канстытуцыйных пераўтварэнняў у нашай краіне. Найбольш хвалюючымі апынуліся пытанні захавання сацыяльнай падтрымкі і палітычнай стабільнасці ў краіне.
Андрэй Савіных, старшыня Пастаяннай камісіі Палаты прадстаўнікоў Нацыянальнага сходу Беларусі:
Размова ідзе даволі цікавая, людзі выказваюць сваё меркаванне і вельмі ўважліва слухаюць. Больш за ўсё грамадзян Беларусі насамрэч цікавяць прычыны таго, што адбываецца, логіка гэтага працэсу. Яны хочуць разумець, што мы робім і для чаго, а галоўнае, у якім кірунку мы будзем развівацца і якую Беларусь мы можам пабудаваць праз гэтыя змены
Удзельнікі агучылі нямала сваіх прапаноў і дапаўненняў у праект Канстытуцыі. Усе яны будуць перададзены ў Нацыянальны цэнтр прававой інфармацыі для вывучэння.
