Для камфортнага жыцця і адпачынку. Адпавядаць такому гатовы не ўсе вялікія і асабліва спальныя раёны сталіцы - жыхары нярэдка наракаюць на недахоп дзіцячых садкоў, школ, спартыўных аб'ектаў. Якія гарадской інфраструктуры патрэбныя новыя аб'екты і ці скончыцца чарга ў дзіцячы сад каля дома? Антаніна Станкевіч пра самыя доўгачаканыя новабудоўлі сталіцы.
Галоўны ўрач 6-й дзіцячай паліклінікі Ганна Котава пакуль не назявае абавязковы белы халат: на толькі што пабудаваным аб'екце такая форма не патрэбная. Аднак літаральна праз месяц тут пачнуць прымаць першых пацыентаў, так што медперсанал будзе выглядаць належным чынам. Новая паліклініка разлічаная на 350 наведванняў за змену. Зручнасць адразу ацэняць самыя маленькія жыхары мікрараёна Брылевічы і іх бацькі.
Дзве новыя дзіцячыя паліклінікі з'явяцца ў мікрараёнах Лошыца і Сухарава - зараз вядзецца іх праектаванне. А вось жыхары квартала “Магістр” па першую меддапамогу ў хуткім часе звернуцца ў мясцовую амбулаторыю - яна размесціцца на першым паверсе аднаго з жылых дамоў. Новая падстанцыя хуткай дапамогі ў Лошыцы - яшчэ адзін праект сталічных будаўнікоў.
Пытанне з недахопам дзіцячых садкоў перш за ўсё ў мікрараёне Каменная Горка пакуль што вырашаюць пры дапамозе спецыяльных рэйсаў “Малыш” - па трох розных маршрутах спецыяльныя аўтобусы падвозяць дзяцей і іх бацькоў да найбліжэйшых садкоў Фрунзенскага раёна. Аднак гэта не значыць, што новыя дашкольныя ўстановы будаваць не будуць, сцвярджаюць ва ўпраўленні адукацыі.
Апошні званок з урока ў гэтай школе звініць у 18:30, аднак насычанае жыццё тут працягваецца яшчэ некалькі гадзін. Да 25-ці відаў паслуг (як платных, так і бясплатных) прапануюць не толькі школьнікам, але і іх бацькам. Абанементы ў той жа басейн ці трэнажорную залу разыходзяцца на ўра сярод жыхароў суседніх дамоў.
Дарэчы, згодна з новымі праектамі, школы ў буйных спальных мікрараёнах абавязкова ідуць «у камплекце з басейнам». Наведваць іх па сістэме абанементаў могуць усе, хто жадае. Спартыўныя пляцоўкі, каткі і гульнявыя палі таксама адкрытыя да самага вечара.
