У сувязі з правядзеннем святочных мерапрыемстваў у цэнтры Мінска заўтра будзе часова абмежаваны рух і паркоўка транспарту.
З 10 гадзін раніцы да апоўначы нельга будзе праехаць па праспекце Незалежнасці ад вуліцы Янкі Купалы да Казлова. Транспарт пойдзе па вуліцах Першамайскай і Багдановіча.
З 18 гадзін будзе забаронены рух па праспекце Пераможцаў - ад вуліцы Няміга да Гвардзейскай у абодва бакі.
У сувязі з гэтым ужо сёння з 22 гадзін прыпаркаваць аўто нельга будзе па вуліцы Камуністычнай - ад Чырвонай да Кісялёва - і па вуліцы Кісялёва - ад плошчы Перамогі да вуліцы Чырвонай. Забарона будзе дзейнічаць да 13 гадзін 3 ліпеня. Падчас правядзення святочных мерапрыемстваў нельга будзе пакінуць уласнае аўто ў раёне парку Перамогі.