Марозныя дні дазволілі стварыць зімовую інфраструктуру для катання на каньках. Так, у Валожыне мабільны каток адкрыты для масавых сеансаў як у выхадныя, так і ў будныя дні.
Атмасферу стварае калядная музыка, а вечарам уключаюць ілюмінацыю. За станам лёду штодзень сочаць супрацоўнікі спартыўнага комплексу, пры неабходнасці заліваюць вадой і раўнуюць. Далучаюцца да зімовага хобі не толькі мясцовыя жыхары, прыязджаюць з суседніх вёсак і гарадоў.
У фізкультурна-аздараўленчым цэнтры працуе пракат абсталявання, на выбар больш за сотню пар канькоў і лыж. Камплекты маюцца як для дарослых, так і для дзяцей. Такія мабільныя каткі з пракатам інвентару ёсць амаль ва ўсіх гарадах Мінскай вобласці. Яны гатовы прымаць наведвальнікаў нават у плюсавую тэмпературу.
