"Сардэчная" атмасфера адчуваецца сёння і ў сталічным заапарку. Для жывёл падрыхтавалі святочны рацыён: рамантычныя пачастункі з любімых ласункаў у форме сэрцаў. Свой падарунак каханай падрыхтаваў і мядзведзь Трыстан. Касалапы прачнуўся напярэдадні свята і далучыўся да сяброўкі Нюры, якая гэтай зімой увогуле не спала. Свае сямейныя гнёзды актыўна будуюць і птушкі, найперш арланы. Усе жывёлы шмат часу праводзяць разам, з задавальненнем ловяць першыя цёплыя промні, гуляюць і рыхтуюцца да вясны.
Адчуванне цяпла і рамантыкі супрацоўнікі заапарка дораць і наведвальнікам. Для рамантычных здымкаў тут працуюць тэматычныя фотазоны.