Працягваецца рэканструкцыя мінскага стадыёна "Трактар". Штодня на будаўнічым аб'екце працуюць больш як 60 чалавек - як прафесійныя спецыялісты, так і байцы студатрадаў. У асноўным здымаюць стары тынк, дэмантуюць перагародкі і прыбіраюць будаўнічае смецце. Зараз ідзе перапланіроўка памяшканняў падтрыбуннай прасторы, узмацненне канструкцый і поўная замена камунікацый. Трыбуны стадыёна змесцяць каля 5 тысяч балельшчыкаў. Таксама будуць абсталяваныя распранальні, трэнерскія, медпункт, пакой для прэсы і зала для правядзення прэс-канферэнцый.
У студзені на будаўнічых аб'ектах і прадпрыемствах сталіцы працавала 10 студатрадаў. У гэтым месяцы заключана больш як 20 дамоў на больш чым 300 рабочых месцаў для студэнтаў.
