У сталічным Доме моладзі сёння сабраліся ўсе тыя, дзякуючы каму па месцах баявой славы ў шлях па Беларусі адправіўся агітпоезд. Кожнаму, хто асабіста ўнёс свой уклад у арганізацыю і асвятленне ў СМІ пераможнага маршруту, уручылі дыпломы, граматы і нагрудныя знакі. Сярод узнагароджаных і Агенцтва тэленавін - кіраўніцтва і наша здымачная група, якая практычна два тыдні ў літаральным сэнсе пражыла ў цягніку Перамогі.
Маладзёжны агітпоезд за два тыдні свайго шляху праехаў амаль усе гарады нашай краіны - а гэта без малога 3 тысячы кіламетраў. І сёння ў Доме моладзі яго ўбачылі зноў. Праўда, гэта была міні-копія, прычым з крэму і бісквіта.
