Дзень абаронцаў Айчыны адзначаюць сёння ў Беларусі. 23 лютага - яркая дата ў гісторыі нашай краіны. Свята было заснавана ў 1918 годзе як дзень нараджэння Чырвонай арміі ў гонар перамогі над германскімі заваёўнікамі пад Нарвай і Псковам. Сёння беларуская армія абсталяваная самымі сучаснымі ўзорамі ваеннай тэхнікі. Краіна з'яўляецца членам АДКБ і актыўным удзельнікам розных міжнародных вучэнняў.
Шчырыя віншаванні прымаюць тыя, хто стаіць на варце міру, нашай бяспекі і сямейнага дабрабыту. Дзякуючы людзям у пагонах і ўсяму беларускаму народу мы жывём пад мірным небам і, бадай, як ніхто ведаем цану міру. Сёння ў памяць аб абаронцах Радзімы, якія загінулі за свабоду і незалежнасць, лягуць кветкі да соцень мемарыялаў. А напярэдадні ў Палацы Рэспублікі прайшоў урачысты сход, прымеркаваны да Дня абаронцаў Айчыны.
Гісторыя беларускай арміі непарыўна звязана з гераічнымі перамогамі. Мы гэта памятаем і шануем. А сёння абарона нашых межаў і незалежнасці, якую мы абаранілі ў гады Вялікай Айчыннай вайны і працягваем адстойваць зараз, - задача нумар адзін.
