Хлебаробаў рэгіёна з паспяховым завяршэннем уборачнай павіншаваў кіраўнік дзяржавы Аляксандр Лукашэнка. Дзякуючы такім людзям, як вы, добрасумленным, адказным, гаспадарчым, рэгіён па праве з'яўляецца адным з прызнаных лідараў па ключавых паказчыках сельскагаспадарчай вытворчасці ў краіне і працягвае дынамічна развівацца, - гаворыцца ў віншаванні.
Сталіцай абласнога фестывалю стаў райцэнтр Вялікая Бераставіца. Тут размясціліся дзясяткі пляцовак з падворкамі, працаваў Горад майстроў і традыцыйны кірмаш. Галоўнымі героямі ўрачыстасцяў, вядома ж, сталі хлебаробы, якія сабралі сёлета рэкордны ўраджай - больш за 1,5 мільёна тон збожжа. Падарункі, кветкі, словы падзякі гучалі ў адрас аграномаў, механізатараў, камбайнераў - усіх тых, хто сваёй працай унёс важкі ўклад у харчовую бяспеку краіны. Рэпартаж Юрыя Карняловіча (відэа).
