Праваслаўныя адзначаюць Вадохрышча

Перамога духу над целам. Праваслаўныя вернікі сёння адзначаюць Вадохрышча. У гэты дзень, паводле падання, Ісус хрысціўся ў рацэ Іардан. Любая вада сёння лічыцца святой. Тысячы вернікаў спяшаюцца па яе ў храмы. Многія здзяйсняюць калядныя акунанні. Лічыцца, што вада ачышчае ад граху.

Наш карэспандэнт Вікторыя Антоненкава зараз знаходзіцца каля храма-помніка Усіх Святых, дзе ў гэтыя хвіліны сабраліся сотні вернікаў (прамое ўключэнне).  Зараз тут, як і ў храмах па ўсёй краіне, праходзяць урачыстыя набажэнствы і чын водаасвячэння. Вернікі збіраюцца, каб памаліцца, папрасіць адно ў аднаго прабачэння, набраць каляднай вады і акунуцца ў асвячоныя купелі. Сёння вада здабывае гаючую сілу.

Па асвячоную ваду можна прыходзіць у царкву да самага вечара

На працягу года ёю можна акрапляць жыллё, прымаць падчас духоўнай або целавай патрэбы. Вернікам не рэкамендуюць выконваць цяжкую працу, лепш прысвяціць дзень дапамозе блізкім. Вадохрышча яшчэ завуць святам Богаяўлення. Гэты дзень звязаны з евангельскай падзеяй - хрышчэннем Хрыста ў рацэ Іардан, падчас якога да яго сышоў Святы Дух, а голас з неба назваў Ісуса Сынам Божым.

Святам Вадохрышча сканчаюцца Каляды

Па асвячоную ваду можна прыходзіць да самага вечара. Свята Вадохрышча завяршае  Каляды - асабліва святочныя дні, якія пачынаюцца з Раства і доўжацца амаль два тыдні.