Павышэнне энергаэфектыўнасці жылых дамоў па новых правілах

Яшчэ адна надзённая праблема - энергаэфектыўнасць жылых дамоў. Размова наконт уцяплення жылля для камфорту і эканоміі. Заўтра ў сілу ўступае ўказ Прэзідэнта, згодна з  якім  капрамонт можна сумясціць з уцяпленнем дома. Пры гэтым палову выдаткаў на такую мадэрнізацыю  возьме на сябе дзяржава. Як нам паведамілі ў Міністэрстве ЖКГ, прымаць рашэнне аб неабходнасці работ будуць выключна ўласнікі. Дакумент датычыцца перш за ўсё дамоў, узведзеных да сярэдзіны 90-х (гэта 80 % усяго жылога фонду). Там  ёсць неабходнасць уцяпляць фасады, мяняць вокны, дзверы, радыятары і ўкараняць сістэмы аўтаматычнага рэгулявання. Дарэчы, да 2021 года  да паловы жылых дамоў у Беларусі будуць узводзіцца з улікам усіх апошніх патрабаванняў па энергаэфектыўнасці.

Пакрываць панесеныя выдаткі  ўладальнікі кватэр будуць толькі пасля завяршэння ўсіх работ на працягу 10 гадоў  штомесяц роўнымі долямі. Малазабяспечаным беларусам гэты тэрмін могуць падоўжыць да 15 гадоў.