Пасольства ЗША выказала падзяку авіякампаніі "Белавія"

Тысячы грамадзян многіх дзяржаў у гэтыя дні спешна вяртаюцца на радзіму з-за мяжы, але сутыкаюцца з закрыццём межаў і масавай адменай авіярэйсаў. Асабліва прыемна, калі ў адказ на дапамогу гучаць словы падзякі.

"Амерыканскае пасольства выказвае падзяку кампаніі "Белавія" за дапамогу ў арганізацыі вяртання грамадзян ЗША з Турцыі і іншых краін на фоне пандэміі. Бяспека нашых грамадзян застаецца прыярытэтам, і з ростам абмежаванняў на камерцыйныя перавозкі мы дзякуем за шчодрую падтрымку і дапамогу Міністэрству замежных спраў Беларусі, "Белавіі" і Нацыянальнаму аэрапорту "Мінск", - гаворыцца ў паведамленні амерыканскага пасольства ў Мінску.