Адной з галоўных і папулярных тэм сёння стала надвор'е. Апошнія дні зімы ўдарылі моцным акордам - сапраўднымі лютаўскімі маразамі. Ноччу слупок тэрмометра зафіксаваў мінус 30. І толькі з першымі промнямі сонца тэмпература на градусніках папаўзла неахвотна ўверх, днём спыніўшыся на 15 марозу. Зразумела, зараз многіх цікавіць, калі пацяплее. Сіноптыкі паведамляюць, што анамальны холад затрымаецца да пятніцы. Але і потым вясна будзе толькі на календары. ДАІ рэкамендуе ўстрымацца ад далёкіх паездак на аўтамабілі - на дарогах галалёдзіца. МНС раяць не затрымлівацца на вуліцы. За мінулы тыдзень да ўрачоў звярнуліся 860 чалавек з траўмамі і абмарожваннямі. Зрэшты, некаторыя даўно чакаюць сапраўдную зіму з марозам і сонцам. Як краіна рэагавала на экстрэмальнае надвор'е - распавядзе Аляксей Волкаў.
Каляндарная зіма наступіла вельмі ўпэўнена і нават нечакана, што ніколькі не збянтэжыла валанцёраў Чырвонага Крыжа. Абагрэць, напаіць і нават накарміць - тры кіты цёплай дапамогі ад арганізацыі. Прыйшла сюды і Ганна Антонаўна. Жанчыне 74 і гэты пункт падчас маразоў стаў абавязковым прыпынкам паміж домам і паліклінікай.
Наведвальнікаў нямнога, але да кожнага падыход асобны - можна Алімпіяду абмеркаваць, жыццё. І нават апрануцца. Рэчы, вядома, не дызайнерскія, але ад холаду выратуюць.
Ці ёсць на тым вежавым кране падагрэў, нам так і не адказалі. Але відавочна, што на такой вышыні як мінімум холадна. Але што рабіць - праца такая экстрэмальная. Астатнім жа, хто тут, на зямлі, варта ўлічваць асаблівасці перамяшчэння ў халодны зімовы перыяд.
І быццам бы ўсё вядома: апранайцеся цяплей, не ўжывайце моцныя напоі, у цэлым менш бывайце на вуліцы. Аднак традыцыйную метадычку ад МНС не прачыталі амаль 900 чалавек. Менавіта столькі беларусаў звярнулася ў бальніцы краіны па дапамогу з траўмамі і абмарожваннямі за апошні тыдзень. Яшчэ 4 загінулі.
Дарэчы, рэкамендуе ўстрымацца ад паездак на аўто і ДАІ. А тым часам анамальны мінус задзірае гарачы плюс у прыватных сектарах, дзе стаяць печы. Толькі ў Мінскай вобласці гэтай зімой здарылася 247 пажараў - агонь забіў 35 чалавек. Таму адзін рэйд з жыцця ратавальнікаў па маленькіх населеных пунктах і хатах, дзе жывуць пажылыя і такія шматдзетныя сем'і, як Красоўскія. Таццяна з мужам выхоўвае 5 і ўпэўненая, што лепш лішні раз усё пераправерыць.
Па тэмпературы восеньскі студзень прывёў да таго, што такога павароту надвор’я ў лютым не чакаў ніхто, нават Гідрамет.
Некалькі іншую рэакцыю маразы выклікалі ў Віцебскай вобласці.
Яны не вікінгі, але па загартоўцы сапраўдныя паўночнікі. У Гарадоцкім раёне, дзе тэмпература перыядычна ставіць марозныя рэкорды, таму яго і называюць беларускай Антарктыдай, экстрэмальныя халады - свята, а таксама падстава стаць на лыжы.
Менш марозаўстойлівым беларусам застаецца дачакацца пятніцы. І гэта той выпадак, калі лічба 13 з мінусам - добры знак, пацяпленне ідзе.
