У чацвер аб сітуацыі на мяжы выказаўся Аляксандр Лукашэнка. Рэакцыя Прэзідэнта на падзеі такая ж, як і ў большасці людзей: пазіцыя Варшавы ў адносінах да бежанцаў проста абурае! Польскі кардон ставіць крыж на надзеі мігрантаў на лепшае жыццё на Захадзе, куды іх, паміж іншым, клікалі! Але на справе - нуль талерантнасці і падтрымкі, поўная крывадушнасць тых, хто вучыць нас дэмакратыі і правам чалавека. Без эмоцый кіраўнік дзяржавы даў выразныя даручэнні сілавікам і не толькі. Задача МЗС у ААН і іншых міжнародных структурах - вельмі жорстка завастраць увагу на гэтай тэме, як гэта робяць сёння журналісты. Асобна было сказана нашым вайскоўцам і органам бяспекі - быць напагатове!
Суседзі без усякіх папярэджанняў падцягваюць да межаў танкі Leopard супраць безабаронных бежанцаў. Даручэнне Лукашэнкі вайскоўцам - адсочваць сітуацыю, забяспечыць кантроль за перамяшчэннем войскаў НАТА і Польшчы, чым наша Мінабароны, таксама органы бяспекі і пагранічнікі і займаюцца. Усё гэта не жарты.
Спакойна глядзець, як перад калючым дротам Еўропы разварочваецца сапраўдная гуманітарная катастрофа, немагчыма. Таму, пакуль польскія ўлады рыхтуюць вадамёты для жанчын і дзяцей, Беларусь аказвае дапамогу.
