Камунальныя і дарожныя службы Мінска ачышчаюць вуліцы і двары ад снегу - сёння задзейнічана амаль 2 тысячы супрацоўнікаў і больш за 150 адзінак тэхнікі. Дарогі і тратуары пасыпаюць супрацьгалалёднай сумессю. З-за няўстойлівага надвор'я і адлігі вялікая ўвага надаецца дахам дамоў - іх ачышчаюць ад наледзі і снежных шапак. Спецыялісты жыллёва-камунальнай гаспадаркі просяць вадзіцеляў не пакідаць машыны ў дваровых праездах, не замінаць рабоце, а таксама ачышчаць снег вакол свайго аўто на адлегласці не менш як метр.
Уважлівымі падчас непагадзі просяць быць і пешаходаў. У Мінску павялічылася колькасць галалёдных і халадовых траўм. За апошнія тры тыдні ў сталічныя медыцынскія ўстановы звярнуліся звыш 400 чалавек - амаль 50 з іх шпіталізаваныя. У большасці выпадкаў людзі звярталіся да ўрачоў пасля падзення на лёдзе. Медыкі нагадваюць: пры такім надвор'і варта выбіраць зручны абутак - без абцасаў, на рыфленай падэшве.
