Фрагменты самалёта, збітага ў канцы вайны, падымаюць пошукавікі недалёка ад Брэста. Работы вядуць сумесна спецыялісты атрада "Авіяпошук" і байцы 52-га спецыялізаванага батальёна Мінабароны. На месца падзення паказаў мясцовы жыхар, які быў сведкам крушэння самалёта. Спецыялісты дасталі з зямлі фрагменты рухавіка, штурманскую лінейку, элементы парашутнай сістэмы і асабістыя рэчы лётчыкаў. Як мяркуецца, самалёт быў збіты ў маі 44-га года, усе члены экіпажа загінулі.
Пошукавыя работы прадоўжацца да 1 кастрычніка на тэрыторыі Брэсцкага раёна. Галоўная мэта - знайсці астанкі і асабістыя рэчы, з дапамогай якіх магчыма ўстанавіць прозвішчы ўсіх членаў экіпажа і праліць святло на падзеі 70-гадовай даўнасці.
